Ung i Kor – Vest inviterer dirigentar og korleiarar til digitalt dirigentseminar om folkemusikk og kveding samt arrangering av folketonar for kor.

Kurshaldarar:Fylkeskvedar i Vestland fylke Reidun Horvei
Komponist Glenn Erik Haugland

Dato: Fredag 16. oktober 2020 
Tid: Kl. 12.00–14.00
Stad: Seminaret foregår digitalt på plattformen Zoom

Kursinnhold

Historisk innføring i norsk folkesong 
Kvedarteknikk og oppføringspraksis
Innstudering av ein folketone frå Vestland
Arrangering av folketonar for kor
Oppgåve i arrangering med vegleiing 

Pris: kr 500,– (Gratis for studenter)
Påmeldingsfrist: 11. oktober
For meir informasjon: vest@ungikor.no

Innføring i kveding

Reidun Horvei

Reidun Horvei jobbar til dagleg som fylkeskvedar i Vestland fylke, og har sidan 1992 og fram til idag hatt synleggjering og ivaretaking av folketonar i regionen som si arbeidsoppgåve. I samband med dette har ho hatt mange ulike oppgåver og konsertprogram produsert for fylkeskommunen, Hardanger folkemuseum og elles for andre arenaer nasjonalt og internasjonalt. Reidun Horvei har i ei årrekkje arbeidd som songar innan klassisk musikk, ny musikk, vise og folkemusikk.

Ho er utdanna ved Griegakademiet, UIB og har  studert song hjå ulike songpedagonar i Skandinavia.  Ho har turnert i store deler av Noreg med program for Rikskonsertane og Hordaland fylkeskommune. Horvei har fleire gonger vorte engasjert ved Festspela i Bergen, Hardingtonar, Hardanger Musikkfest, Osafestivalen og KulturFjorden. I utlandet har ho turnert i Storbritannia, Belgia, Frankrike, Portugal, Italia, Polen, Bulgaria, USA, Island, Litauen, Tsjekkia, Jordan og Abu Dhabi. Sidan 1992 har ho vore tilsett som fylkesmusikar i Hordaland, og gjennomført fleire store produksjonar og publikasjonar innan kveding.

Arrangering av folketonar for kor

Glenn Erik Haugland

Glenn Erik Haugland starta “Session Studio E39” 2015 - 2016 som eit tilbod for å auka rekruttering av nye komponistar. Han vart tildelt Oddvar S. Kvams komponistpris for arbeidet med komposisjonskurset. Norsk Komponistforening og Norges Musikkhøgskole har vidare innleia samarbeid med Session med tanke på liknande framstilling for ungdom andre stader i landet. Fokuset for Session har vore å stimulera skrivelyst. Det har handla om å «komponere, komponere, komponere» for å få i gong den indre motoren for å skapa ny musikk.

Glenn Erik Haugland (1961) er fødd i New York, og flytta elleve år gamal til Os ved Bergen. I 1985 var han den fyrste som fullførte den nyoppretta komposisjonsutdanninga ved Norges Musikkhøyskole under rettleiing av mellom anna komponistene Olav Anton Thommessen and Lasse Thoresen. Han starta like etterpå sitt profesjonelle virke med hovudvekt på elektroakustisk musikk, men interesserte seg tidlig for musikkteater i vidaste forstand. Eksperimenter innen “perfomance- kunst”, “konsertframsyningar” og musikkteater for barn har vore ein viktig del av Haugland is utvikling innen scenisk musikk. Haugland er i dag ein namngjeten musikkdramatikar med heile 12 operaer i verklista. Han er i tillegg godt kjend innen norsk kulturliv for si verksemd både som komponist, skribent og som tidlegare leiar for Norsk Komponistforening.